睇左三集, 每一次居然都播左趙展彤做代言既online game廣告。
一播廣告,
好想即刻除左個ear piece...
真心覺得唔好聽(甚至有些少難聽)
我唔排除係因為我個心唔鍾意佢而覺得呢首歌難聽,
事實上佢係《巨聲》時我已經唔係太鍾意呢位參賽者。
(想重申一下, 我並唔係《巨聲》fans,
實在連呢個節目到底有幾多位參賽者都唔知,
反而睇《星光》, 我知道有羅力威同亢帥克囉。)
係呢個post之前,
我Google左一下呢位「趙展彤小朋友」,
(個人認為係批評/讚美任何人或事之前,
google一下背景資料是種美德。)
發覺憎佢既人都為數不少,
當中好多人都話佢串、招積、扮大人...
我印象比較深既反而係《東周》訪問入呢一段︰
對展彤而言，唱歌是「任務」，是完成父母年少時的期望；原來趙爸爸熱愛唱歌，但生性內向，每次上台都腳震，趙媽媽小時候也渴望表演，但苦無門路，因而抱憾。
即係話,根本係呢對父母自己好想唱歌表演,
但又唔夠薑唔夠啅頭唔夠gimmick冇人理,
所以要個女幫佢地完成夢想。
唔怪之得呢個女仔咁「成熟」,
因為原來係佢父母心智唔成熟。
成日要我做D唔係我真心想做既野,
俾我都反叛...
如果呢個廣告令我驚,
咁我覺得呢個世界有咁既父母令我仲驚。
p.s.
送上呢個令我驚驚既廣告
建議大家click play之前將音量收細,
多謝合作。
