當你...

當你有D野成日錯,

錯左好多次,

你會開始好驚,

跟住好比心機check。

心理會好大壓力,

但你同自己講︰

「都係check多次喇!」

然後希望唔好再錯。

但係,

當你check左一萬次都仲係有錯,

你就會唔想再做呢件事...

港台節目

週未多了留在家中,

常常都看到港台的電視節目。

最近常常留意的,

一個叫《有房出租》,是處景劇;

另一個是《薇微語》, 是清談節目。

《有》劇講的是香港民生,

由於是每個星期拍攝的,

所以話題都算跟貼事時,

也很容易看懂。

西化的中年漢、傳統的老道士、

回流的失婚中女、年輕的啤酒妹、

熱血的上街青年、破產的經紀、

在內地投資失利的男人、離鄉別井的南亞工人。

性格鮮明的角色,

一同蝸居於中環這個既先進又經典的舊唐樓之中。

雖然偶爾會半hard sell地講一點政府的政策,

但有很多情節其實都說到小市民心坎裡去。

選角也很討好,

特別是飾演南亞人士的Bitto,

廣東話說得很好呀~

官恩娜飾演傻大姐, 總比徐子珊做得好吧。

週未留在家中,

這劇是很不錯的選擇。

＊　＊　＊　＊　＊　＊　＊　＊　＊　＊

《薇》較早前已經播放完畢,

訪問高錕太太黃美芸是最後一集,

看得我好感動。

主持人李小薇是位很有氣質的女士,

上網走一轉, 好多人都說她貎美,

但我更欣賞的是她的態度。

她看著被訪嘉賓的眼神,

每每都很親切,

有時候被訪者說到感觸流淚,

她眼角同樣有淚光。

沒法子, 繼續要問一些可能會傷到被訪者的問題,

她會面露出一絲不忍, 然後盡量用輕一點的語氣用詞去問。

訪問不是一件簡單的事,

如何令被訪者進入狀態,

把內心的想法說出來是很難做到的。

如何忍住自己的感情,

繼續問問題, 也是一種學問。

但我想李小薇的真誠會打動好多被訪者。

也感動過好多觀眾。

別說香港沒有好的電視節目,

我想頭條新聞被批評的事件以後,

港台也已經放下了大包袱。

今個聖誕不快樂

原因有數個︰

1. 我病了

2. 與鳳凰之間不太順意

3. 工作不順意

(1)是醫生的事, 不用在此多談。

(2)是很私人的事, 也涉及鳳凰,

不想在這裡談。

(3)是很難解決的事...

跟四眼仔和縐生討論這件事,

我說︰

大概是我與工作的「性格不合」

他們說︰

你同份工拍拖咩?

有分別嗎?

熱戀期好像總有一千件有趣的事情等著要發生,

你總會期待每次見面,每次相聚。

但熱情過後, 卻多接一個電話都覺得擾人…

誰不想情人是一生一世,

然而走到最後卻始終要分開?

好煩啊...

＊　＊　＊　＊　＊　＊　＊　＊　＊　＊

病了, 就在聖誕的前夕。

已經好多年沒有咳嗽得這麼辛苦了。

氣管敏感最討厭的地方,

是白天的時候看上去沒有多大的問題,

然而每到晚上都會因氣喘咳嗽而無法入眠。

故此, 連續好多天的假期都沒有外出。

大好的假期, 都浪費掉了...

我要飲飲飲之第一回

早兩天與家母提起連續三日都要赴宴,

母親忽然拋下一句︰

「都好既, 等你見下呢D場面...」

當時心諗,

大大話話都「飲」左20年,

仲有咩要見識呢﹖

結果今日才不過係第一晚,

就已經薄有驚喜。

今晚身份為新郎同事,

同桌亦有另外四位相識的同事,

其餘聽講就為新郎的大學同學。

四男兩女, 其中二人是情侶闗係,

另再有一位「阿傑」遲到,

故我旁邊的位置一直懸空。

尚未開席,

已經聽到一些儲如︰

「結婚之後要個女仔出黎做野會好冇面」既膠論,

當時已經好肯定今晚返黎會寫blog,

所以特別留心這群人的談話內容。

(咩喎, 我唔8你今晚都冇得睇呢篇Blog喇係咪?)

席間,情侶中既「女朋友」可謂直情流露,

全程雙手冇遞出過酒杯範圍,

但係就不停以Command形式指示男友夾餸,

最經典莫過於叫男友「夾一粒草菇」俾佢。

即係點?即係你一定要俾草菇佢, 仲一定要一粒,

如果唔係草菇或者多過一粒草菇,

佢可以發你爛渣咁解。

發展到呢一刻,

我都以為今晚篇blog會以女朋友為主,

但原來主角往往真係最後先出場......

稱為「阿傑」既男子終於出現,

坐底冇幾耐佢就開始同各位大學同學高談闊論。

雖然我都認為一個人講野有適量body movement絕對是好事,

但「阿傑」似乎忘記左佢右手邊呢位朋友, 即係我,

係一位素未謀面既人,

又或者佢誤以為佢既活動範圍有一百呎,

足夠俾佢跳返part舞。

但事實上唔係囉!!!!

今晚既位真係唔係太寬落,

令到我成晚唯有不停靠向田小姐避開佢隻掌...

忽然間, 女朋友(都幾大聲)問一句︰

「你估呢...」

然後靠向「阿傑」耳邊耳語...

跟手呢位阿傑就大大聲咁話︰

「梗係唔駛喇!!!!

呢D都有得賺喇, 個時我7千都有得賺呀!」

我想問呢兩個人咩事????

食左都冇三個餸, 仲要有半圍係唔識既,

駛唔駛咁快討論呢D野呀?

我一直以為一路食一路話人地D野唔好食既人已經好cheap,

估唔到原來低處真係未算低。

然後, 好明顯「女朋友」係俾緊壓力佢男朋友,

不停問「阿傑」關於結婚擺酒既(錢銀)問題;

而呢位「阿傑」亦(好似)好Expert地發表,

例如佢指摘擺酒個時拍video的cam man好唔專業,

根本係呃人錢...

(但其後佢又發表佢只係識用DC既膠論)

((而當中最好笑既係講左咁耐,

「阿傑」最後終於講出原來佢當年結緍係買律師樓Package一條龍咩都包個D。

ok, 明左, 唔該哂你喎Mr. Expert...))

終於終於,

終於到了炒飯+伊麵上枱時間,

接近尾聲, 我以為可以食一啖安樂茶飯。

就係呢個時候,

「阿傑」突然好大力咁丟低左個碗,

(真係擲地有聲個種, 個下聲直頭係鏗鏘)

跟住又用佢好似好Expert既語氣話︰

「早兩日我係屋企炒個飯,

　同呢個差唔多囉...」

然後誓死唔肯再食一粒落口。

平心而論,

我覺得今晚既飯菜的確係強差人意,

但係實在唔需要咁做下嘛﹖

成件事除左話到俾我知你唔識炒飯之外,

真係一D意義都冇。

代表你好識食咩?好有型咩?

我淨係覺得你好．冇．禮．貌．囉!

唔該, 各位會去/要去/去左飲宴既人士,

我希望你有機會睇到呢篇blog個時都諗一諗︰

你去飲個時,

唔好諗住D人唔識就講咩都得,

而家資訊好發達, 可能你求求其其做D野,

但同枱既人返到去可能寫出blog或者fb,

最重要既係,

你自己衰唔緊要,

但你可能係代表左男家/女家/某一個party既人,

係會影響左別人對佢地觀感。

例如今晚, 我就覺得Uxx某個系既人好差囉。

＊　＊　＊　＊　＊　＊　＊　＊　＊　＊

有個小插曲,

好想講埋佢。

話說係美點雙輝時段,

女朋友既纖纖玉手依然冇伸出多過10cm,

男朋友亦好識做地自動波幫女朋友拎左一件點心,

放係佢隻碟度, (爭在未放埋落佢個口度)

然後就好深情咁望住個女朋友唔郁。

女朋友開口︰

「你唔食咩?」

男友即刻9秒9企係身,

再拎一件同款既點心放係自己隻碟度。

好慘囉呢個男仔...

＊　＊　＊　＊　＊　＊　＊　＊　＊　＊

最後,

再次恭喜C同事同老婆新婚愉快,

祝你地百年好合!

(同埋我想讚C同事你真係出於污泥而不染呀!)

心裡看得清

我知我明呢單野好明顯係一個廣告,

但係如果你睇完個心真係會覺得感動,

咁點解唔同大家分享下呢﹖

天生我材必有用, 係真架。

所以, 唔好再怨, 收拾心情, 再出發。

近況。

我很好啊, 還未死掉,

只是心情不太好,

真的不太好。

最近︰

1. 狂去飲

　繼上星期六的婆婆壽宴, 今個星期五六日亦有三場展銷會...Sorry, 係三場婚宴, 然後26號再去觀禮。

2. 名信片

　今年是豐收的一年。隨著各方好友去畢業旅行去玩去癲去Ocean Park (關咩事?), 收到好多名信片。每張都喜愛, 最喜歡你們寫給我的, 謝謝。

3. New Super Mario Bros. Wii

　 終於有Wii玩, 呢隻Game好好玩, 唔識講, 總之我覺得玩開Mario既人都會覺得好好玩。(搵我寫Game評就死)

總結︰加上返工, 好忙。

(但跟心情不好到底有甚麼關係啊?!)

她扔了根讓人沒法團圓的火柴

聽了兩三遍的時候已經在懷疑,

但又不肯定,

畢竟我不算是很有音樂才華的人嘛...

但今天上網搜尋過後便肯定了﹗

《她扔了根火柴》跟《小團圓》是同一個主旋律的,

應該說, 跟本就是同一首歌曲,

只是編曲不同而已﹗

故意用舊上海的唱腔,

不是想賣弄技巧,

而是為《小團圓》做華麗的前奏。

假如連續播放兩首歌的話,

《她扔了根火柴》最後的「倒帶聲」,

正好就是兩首歌之間的一道橋,

讓人從張愛玲的老上海回到今天。

好喜歡這種充滿心思的佈局,

不舖張, 安安份份的讓有心人發現。

困

好討厭這種感覺,

心總是沉甸甸的,

沒法釋懷。

不經不覺原來已經持續了一年。

這一年, 你是怎麼熬過來的﹖

好．想．睇!!!!!!!!

我真係接受唔到自己再錯失第二次,

有得睇真係咩都得!

慎言

昨天, 不小心觸怒了一位朋友。

唉...我是好笨好蠢的人,
不喜歡的話一定要跟我明示,
否則我真的會不知道...

大人有大量, 別生我氣喇~
以後會正正經經的叫你的名字>.<

少女味

早幾天碰到一位大半年沒見面的朋友草餅先生,
他看了我幾眼,
就跟我說︰
「喂, 乜你冇哂D 少女味既?」

下? 即係點?

事後問問當時也在場的鳳凰,
他好像也很同意草餅先生的講法。

由於我不懂怎麼才謂「有少女味」,
於是說出了一大堆女性朋友的名字,
再讓鳳凰講出哪個有少女味, 哪個沒有。

結果, 我認為有少女味道的那些,
(即有點傻氣, 很可愛, 心地很善良那種)
都被判定為「還可以」或「唔算」,
我覺得老成持重的,
卻又被指為「都幾有呀」。

攪了半天, 都沒法釐清評分標準。
或者這些, 真的只有男人才會懂。





後記︰
昨天剛好草餅先生有事致電給我,
「喂, 唔該X小朋友呀!」(X是我的姓氏)
我當場呆住了, 以為電話的另一邊真的把我當成了小朋友。
擾攘了好幾分鐘, 他才自揭身份,
還一邊笑我容易欺壓,
於是我想也不想就回答︰
「梗係, 等你仲話我冇少女味喎(好明顯深深不忿),
我D少女味不知幾濃呀!!!」


咁記仇, 好明顯我仲好少女。
(堅持)

我

我覺得真的有點像。

給孩子一個家

四年多以來,
我都讓你們風吹雨打...
我知道是我不好,
從今我要你們「有瓦遮頭」!

房間太暗了, 不用閃燈拍不了, 敬請見諒。

閒事一二

閒事一︰說話分輕重

昨天放工後到了銅鑼灣某商場,
因為胃腸不適而到了洗手間。

有一個小女孩跟媽媽在上廁所,
忽然間小女孩大叫︰
「媽媽﹗你上廁所(的聲音)好似花灑﹗」

我想那時間媽媽心中一沉,
於是決定不作聲,
結果小女孩以為媽媽聽不到,
再說一遍。

這時卻有個少女忽然大笑,
一邊離開洗手間, 一邊大聲重覆小女孩的話,
然後嘻嘻哈哈走了。

而小女孩的媽媽,
應該是有點老羞成怒了,
馬上就怪責小女孩︰
「點解你說話唔知輕重呀﹖...」
繼而發脾氣大力關廁所門,
一直在在罵小女孩。

其實, 小孩子會說這種傻話,
正常不過。她會這樣說不是她說話不分輕重,
而是真正的童言無忌。

反之, 我倒認為那個嘻哈大笑的少(笑)女,
在眾目睽睽下這樣挖苦取笑一個無知女孩的,
才是真正的不分輕重。

＊　＊　＊　＊　＊　＊　＊　＊　＊　＊

閒事二︰晚餐

晚上到了一間位於銅鑼灣與灣仔之間的食店晚飯,
見她在此地已經好幾年了,
質素該不太差吧﹖

星期五晚不用等位, 深知不妙。

喝過那碗比一般茶餐廳還要差的「麵粉水忌廉湯」,
...
其他的我也不想寫了。

結論︰
冇．下．次!!!

＊　＊　＊　＊　＊　＊　＊　＊　＊　＊

新森林焗之專門店
地址 :灣仔天樂里3號地下
電話 : 2573 3378

她扔了根火柴II

多得朋友Z,
令我的起心肝要搵出那首被翻唱的叫甚麼歌。

終於找到了,
王菀之唱的版本叫《主角》,
作曲填詞由劉穗京包辦。
這首歌原來大有來頭,
是2001年Cash的入圍作品。
(但其實早於2000年,
王菀之已經憑自己一手作曲填詞演繹的作品得到冠軍,勁!)

記得最初只聽過王菀之的聲音時就經常在幻想(!)
到底有天籟聲音的她, 長得是怎樣的呢﹖
想像中她有把長長的頭髮, 大大的眼睛, 甜甜的樣子...

千山萬水, 最後她真的出道了!!
終於有機會看看她的樣子,
而結果嘛...

我不否認最初有點失望,
(人總是將好與美掛鉤嘛...)
但當她一開腔, 聲音依舊是那麼美,
那麼讓人心動。她的樣子是怎樣的,
其實根本沒有關係吧。

只有她的歌聲,
才表現最真實的她。

(好像...扯太遠了吧!!!)

鑒於那始終是別人的作品,
不太好意思就這樣貼在這裡,
但真的很好聽啊~
有興趣就讓我知道,
我再跟你們分享吧~
(朋友間覺得「正喎!」那種分享~哈哈~)

至於被翻唱的版本也被我找出來了,
是鄧麗欣的《等你約會我》

評語是...




我．想．王．菀．之．唱．返!!

魚樂無窮

好喜歡鯉魚。
悠然自得的姿態,
不慌不忙地,在水中表演他的舞蹈。

去過全港園規最嚴謹的南蓮園池嗎?
名為園池, 除了一絕的園景,
還有著名的鯉魚池。

不單止池面廣闊,
還因著那裡嚴密的保安,
就算遊人只是伸手出去都會被喝止,
更遑論要把食物餵到池中的魚兒去。

雖然不少評論都指這個公園的管理過份嚴苛,
但我卻深信人始終是需要約束的~
要不然人人都一大片麵包蔬菜通通放進去,
池水得以保持這般清澈嗎?
(看看法田中央公園那池死水, 你就會明白分別了)

除了池水, 重點當然還有魚。
由於沒有吃雜糧的關係,
那些魚兒都好健康, 胖胖的,
鱗片都閃閃生輝。
他們有紅的、白的、黑的、黃金色的...都很美。

沒去過的, 我覺得值得去一次,
看過他們的優哉游哉, 心情也會好一點。


現在因為上班和某些關係,
很少到那裡去。
唯有在blog中放一個小魚池,
慰藉一下心靈。
(按︰這些池水不會變濁, 請放心點擊餵飼~)

她扔了根火柴

聽王菀之, 源起於張學友。

那時候剛買了iPod shuffle,
不理新的舊的,把所有音樂放進去,
不停shuffle。
其中一張大碟是學友的《活出生命》

某個晚上, 聽著歌就睡了。
睡夢中忽然聽到一把動聽非常的聲音,
然後我馬上醒來。

人生, 第一次被這種甜美的聲音喚聲。

自此在網網上搜尋她的名字,
她的作品, 連她的demo都被我找出來了。
(那首demo很好聽, 叫Lead, 內意是希望成為別人的女主角,
很好聽, 好sweet的一首歌。
可是這首歌最後竟交了不知道是鄧麗欣還是傅穎唱了...唉)

雖說不上是Super Fans,
但對她的聲音也算得上是很熟悉的。
可是, 今次的這一首, 實在令人太驚喜!
上海風的演繹, 讓人很著迷...
不是在模仿任何人, 只是用當時的唱腔來唱,
好動人。

香港的樂壇實在需要多些這樣的聲音!!