My work

新一年,

有好多新景願。

但由於個人又開始想病,

思緒仲係有些少混亂,

遲下先同大家分享。

反而想講下, 呢半年自從我開始做野以黎,

大家都會講下我做咩,

而當我答完之後,

通常都係會出現以下既對白︰

1. 咁...複雜既?

2. 即係做D咩呀?

3. 哦...即係你要跑數既...

通常最多人講既係(1)同埋(2),

簡單D黎講, 即係佢根本唔知我做緊咩。

亦有唔少人講(3), 最主要係因為佢冇聽清楚我講咩。

都有試過有人鍥而不捨咁追問落去,

而我又好努力不懈咁將我(由現時為止)做過工序講一次佢聽。

聽完之後佢就話︰

「其實...你都幾了解你要做咩架喎...不過...我都係唔明囉」

講到呢度, 咁到底我做咩架呢﹖

其實好簡單, 你睇我呢個鐘數唔收工又係度寫blog就知道,

我每日最重要既其中一個工作, 就係....

...

.......

....

.....

等囉。